ERİK LUND

Daha yaxşı pivə hazırlamağın mümkün olub-olmadığını soruşduqda, pivə ustası Erik Lund təbəssüm ilə cavab verdi. "Bəlkə də" dedi. "Amma bu sizin "daha yaxşı" sözünü necə açıqladığınızdan asılıdır. Bu daha yaxşı dad, daha yaxşı istifadə müddəti və yaxud da ətraf mühit üçün daha yaxşı deməkdir? Parametrlər müxtəlifdir. Həqiqətən, pivəmizi daha yaxşı etməyimizin səbəblərindən biri də ləzzəti və görünüşü uzun müddət necə qoruyub saxlamağımızla əlaqədardır.

Daimilik və sabitlik bizim üçün son dərəcə vacibdir. Bu səbəbdən biz hal-hazırda pivənin zamanla dumanlanmasının qarşısını alan yeni arpa növlərini sınaqdan keçiririk. Bu, dada təsir etmir, ancaq daha qalıcı təcrübəni təmin edir. Həm də istehlakçılarımızın sevdiyi həmin ləzzəti verməyə davam edir. Mən "Carlsberg"in dadını müəyyən etmək üçün deyil - yalnız ləzzəti qorumaq üçün buradayam!"

"Əslində mən, bu işə başladığım 16 il müddətində ən böyük inkişafı ləzzətdə görmüşəm. Məsələ dadın eyni qalmasında deyil, ləzzətin sabitliyindədir. "Pis" dadların nədən qaynaqlandığını müəyyən edən qabaqcıl texnikalardan istifadə etməklə və bu komponentlərin yaranmasının qarşısını almaq və ya onları yavaşlatmaq üçün yollar tapmaqla pivəmizi daha uzun müddət təzə və dadlı saxlaya bilərik.”

"İşimiz öz nəticəsini verir: Arpanın içərisindəki yağları oksidlərə ayıran fermenti çıxarıb bişirmə prosesinə bir qədər düzəlişlər etməklə biz daha qalıcı gücə malik pivə yaratmışıq. Faktiki olaraq bu, pH dəyərlərinə nəzarət etməklə baş tutur; Çox təəccüblüdür ki, bizim ən qədim kəşflərimizdən biri - pH miqyasının ixtirası - pivəbişirmə və fermentasiya proseslərində hələ də bu qədər vacib rol oynayır.”

“Beləliklə, mənim üçün hər şey daha yaxşı - yenidən bişirmə layihəmiz ilə bağlıdır - bu layihədə niyyətimiz daha yaxşı pivə hazırlamaq deyil, itirilmiş dadı bərpa etmək üçün müasir texnikalarımızdan necə istifadə edilə biləcəyini daha yaxşı anlamaq idi. Bu, mənim şəxsən öz zövqümün rol oynadığı zamanlardan biri idi. Biz, 1883-cü ildə onların hazırladığı pivədən daha dadlısını hazırladıq? Bəlkə də.”