Karl Yakobsen

Bu gün tələbələrin mübadilə proqramları vasitəsilə xarici ölkələrə səfər etməsi geniş yayılıb. Karl gənc olanda bu, belə deyildi. Bununla belə, onun atası, hər zaman olduğu kimi, öz zəmanəsini qabaqlayır və karlın Avropa ölkələrində təhsil almasını istəyirdi. Karl dörd ilini Fransa, Almaniya, Avstriya və Şotlandiyada keçirərək ən yaxşı qıcqırdılmış Britaniya pivələri ilə tanış oldu. O, evə qayıdarkən özü ilə iki böyük xəzinə gətirdi: pivə haqqında dərin biliklər və gələcək həyat yoldaşı Ottilia.

Karl 1871-ci ildə geri qayıdanda C.K. ona idarə etməsi üçün yeni pivəxana verdi. Kristianın planı bu idi ki, "Ale" və "Porter" istehsal edərək lageri ona buraxacaq. O, öz oğlunun irsən gələn daha yaxşı pivə hazırlamaq istəyini lazımınca qiymətləndirmirdi. Tezliklə Karl lager hazırlamağa başlayaraq atası ilə rəqabətə girdi. 1882-ci ilə Karl öz pivəxanasını açaraq onu "Ny" və ya "New Carlsberg" (Yeni "Carlsberg") adlandırdı. C.K. Karlın eyni addan istifadə etməsini istəmirdi və onu məhkəməyə verdi. Karl məhkəmədə qalib gəldi. Daş qayaya rast gəlmişdi.

Karl yalnız pivədən deyil, həm də incəsənətdən zövq alırdı. O, incəsənət xadimlərinin əhatəsində böyümüşdü və erkən yaşlarda öz kolleksiyasını yaratmağa başladı. İncəsənətin hər şeyi dəyişdirən təbiətinin gücünə inanan Karl öz şəxsi kolleksiyasını ictimaiyyətə açıq elan etdi və 1882-ci ildə o, Kopenhagendə "Ny Carlsberg Glyptotek" incəsənət muzeyinin əsasını qoydu. Elmin inkişafını dəstəkləmək üçün "Carlsberg" Fondunun əsasını qoyan atası kimi, Karl da incəsənətin inkişafını dəstəkləmək üçün "New Carlsberg" Fondunun əsasını qoydu. Ata ilə oğul ehtimal ki etiraf etdiklərindən daha çox ortaq cəhətə sahib idi.

1906-cı ildə yeni və köhnə "Carlsberg" (New and Old Carlsberg) "Carlsberg" Fondunun tərkibində rəsmi olaraq yenidən birləşdi və Karl "Carlsberg Breweries" şirkətinin ilk icraçı direktoru oldu. O, pensiya fondu təsis etdi və səylə çalışan işçiləri üçün səkkiz saatlıq iş rejimini tətbiq etdi. Bu, onu dünyanın ən məşhur müdirinə çevirdimi? Çox güman ki.